დისნეის მეფე ლომის გამოსვლამდე მხოლოდ ორი დღე რჩება და ბიონსემ ჩვენი მოლოდინი ახალი კლიპით კიდევ უფრო გაამძაფრა.

მუსიკოსი ფილმისთვის ჩაწერილი სიმღერების ალბომს გვიმზადებს და ერთ-ერთ საუნდტრეკზე, Spirit , აფრიკულ მოტივებზე გადაღებული მუსიკალური ვიდეო გამოუშვა.

აფრო-ამერიკელების გაძლიერებისთვის მიმართული თემატიკის კლიპში ბიონსე უდაბნოში ცეკვავს, მასთან ერთად კი მის და ჯეი-ზის შვილს, ბლუ აივი კარტერს ვხედავთ.

დისნეის 1994 წლის ანიმაციის ადაპტაციაში ბიონსე ნალას ახმოვანებს. მეფე ლომის მსოფლიო პრემიერა 19 ივლისს შედგება და ამავე დღეს დისნეი მუსიკალურ ალბომს გამოუშვებს, რომელშიც ბიონსე ნოულეს-კარტერის მიერ წარმოებული სიმღერები შევა.

ალბომის სახელი The Lion King: The Gift იქნება და მასში დონალდ გლოვერისა და ბიონსეს გარდა, უცნობ ხელოვანებსაც მოისმენთ, კომპოზიციები კი აფრიკული მელოდიებითა და ხმებით იქნება შთაგონებული.

ალბომიდან რამდენიმე სინგლი უკვე გამოვიდა, მათ შორისაა Can You Feel The Love Tonight, რომელსაც ბიონსე დონალდ გლოვერთან, სეთ როჯენთან და ბილი ეიჩნერთან ერთად მღერის.

ამავე თემაზე: