ქართული ოცნების თავმჯდომარე ბიძინა ივანიშვილი არ გამორიცხავს, რომ 2020 წლის პროპორციულ არჩევნებში მისი პარტია ისევ უმრავლესობით მოვიდეს. ამის შესახებ მან ჟურნალისტებთან საუბრისას განაცხადა.

ივანიშვილმა დაამატა, რომ არსებობს იმის ალბათობაც უმრავლესობით ვერ მოხვდნენ პარლამენტში. ამ შემთხვევაში მისი თქმით, ითანამშრომლებენ ყველა პარტიასთან, ნაციონალური მოძრაობის გარდა.

"ამაზე კონკრეტიკა ვისთან და როგორ 2020 წელს ვისაუბროთ", — განაცხადა მან.

ივანიშვილმა განაცხადა ისიც, რომ მისი პარტია აქამდე მხოლოდ არჩევნებზე აქტიურობდა, რაც შეიცვლება. მან კიდევ ერთხელ დადო პირობა, რომ პარტიას ხალხთან მეტი კომუნიკაცია ექნება.

2020 წლის არჩევნების პროპორციული სისტემითა და ნულოვანი ბარიერით ჩატარების გადაწყვეტილება მმართველმა პარტიამ დაახლოებით სამი კვირის წინ მიიღო. ეს იყო აქცია #სირცხვილიას ერთ-ერთი მოთხოვნა.

გაიგეთ მეტი: