მთავრობისა და ანაკლიის განვითარების კონსორციუმს შორის ანაკლიის ღრმაწყლოვანი ნავსადგურის მშენებლობისა და ოპერირების შესახებ საინვესტიციო ხელშეკრულება გაფორმდა.

გიორგი კვირიკაშვილის თქმით, ესაა საუკუნის პროექტი საქართველოსთვის და ის შექმნის რეალურ საფუძველს, რათა საქართველომ შეასრულოს ისტორიული მისია ახალი აბრეშუმის გზის დერეფანში:

"ანაკლიის ღრმაწყლოვან ნავსადგურს ეძლევა სრული შესაძლებლობები იქცეს მთავარ საზღვაო კარიბჭედ და ერთ-ერთ მთავარ ლოგისტიკურ ცენტრად რეგიონში, ეს მომავლის პროექტია და მოხარული ვარ, რომ ჩვენი ქვეყნის ეკონომიკურ ცვლილებაში ასეთ პროექტს ვუყრით საფუძველს".

კვირიკაშვილის თქმით, მშენებლობა 9 ეტაპად განხორციელდება.

"მისი გამტარუნარიანობა შესაძლოა ავიდეს 100 მილიონ ტონამდე წელიწადში" - განაცხადა პრემიერმა.