რუსთავის საკრებულოს თავმჯდომარის, ლევან ონიანის მიერ დაწერილი სექსისტური, დამამცირებელი და შეურაცხმყოფელი კომენტარის გამო ორშაბათს, 15 ივლისს, 12 საათზე საკრებულოს შენობასთან აქცია გაიმართება. აქციის მონაწილეები ონიანისგან საჯარო ბოდიშს მოითხოვენ.

"რუსთავის საკრებულოს თავმჯდომარე ლევან ონიანი სექსისტურ, შეურაცხმყოფელ და დამამცირებელ კომენტარს უძღვნის ინგა გრიგოლიას და გიორგი გახარიას ეთერს. მოიხადოს საჯარო ბოდიში ლევან ონიანმა სექსიზმისთვის, რომელიც ახალისებს სექსუალურ ძალადობას ქვეყანაში", — აღნიშნავენ აქციის ორგანიზატორები.

Facebook პოსტი, რომელზეც ონიანმა დააკომენტარა "ინგა ჩივის უკონტაქტო გაუპატიურებისთვის" ჟურნალისტ ინგა გრიგოლიას მისამართით იყო დაწერილი. ონიანმა თქვა, რომ ეს კომენტარი სხვა ინგაზე დაწერა.

11 ივლისს TV პირველის გადაცემა რეაქციის სტუმარი შინაგან საქმეთა მინისტრი, გიორგი გახარია იყო. გადაცემა ჟურნალისტ ინგა გრიგოლიას მიჰყავს.