საპარლამენტო უმრავლესობის ლიდერი, გია ვოლსკი აცხადევს, რომ თანაგუნდელთა მოსაზრებებზე, როლებმაც ხმა არ მისცეს ნიკა მელიას იმუნიტეტის შეჩერებას, უმრავლესობის სხდომაზე უნდა იმსჯელონ.

მისი თქმით, ზოგიერთი კოლეგა ვერ გაერქვა, "რა ქნა და რა გააკეთა" უმრავლესობამ პროკურატურისთვის ნიკა მელიას პატიმრობაზე ნებართვის მიცემით.

"ჩვენ გუშინ კონკრეტული დეპუტატი გავუთანაბრეთ ჩვეულებრივ მოქალაქეს, რომლის მიმართ გამოძიებას შესაძლოა, ჰქონდეს პრეტენზია და რომელიც შესაძლოა, დამთავრდეს იმით, რომ ამ გამოძიებამ წარდგენა გააკეთოს თავისუფლების აღკვეთის თაობაზე. რა გადაწყვეტილებას მიიღებს სასამართლო, ეს არის პარლამენტის საქმე. ჩვენ გადაწყვეტილება მივიღეთ იმის თაობაზე, რომ დეპუტატს არ აქვს მეტი იმუნიტეტი, ვიდრე ჩვეულებრივ ადამიანს, მით უმეტეს თუ ეს დეპუტატი მიუძღვოდა არმიას პარლამენტის დასაკავებლად. იმუნიტეტების მოხსნა მერე უნდა გვენახა, რა დატრიალდებოდა", — განაცხადა ვოლსკიმ.

პარლამენტის ვიცე-სპიკერი ამბობს, რომ იმუნიტეტის შეჩერებაში საგანგაშო არაფერია და დეპუტატმა, ისევე როგორც ყველა სხვა მოქალაქემ, უნდა უპასუხოს გამოძიების კითხვებს.

"დარწმუნებული ვარ, რომ ჩვენმა კოლეგებმა ეს ვერ გაიგეს, თუ გაიგეს და აქვთ სხვა გადაწყვეტილება, ვიმსჯელოთ ამაზეც. უმრავლესობის სხდომა გაიმართება აუცილებლად და ეს საკითხები იქნება განხილვის საგანი", — აღნიშნა გია ვოლსკიმ.

ქართული ოცნების ორმა დეპუტატმა გია ვოლსკიმ და მარიამ ჯაშმა ნაციონალური მოძრაობის დეპუტატის, ნიკა მელიას იმუნიტეტის შეჩერებას მხარი არ დაუჭირეს. რომან კაკულიამ კენჭისყრის დროს თავი შეიკავა, მარიამ ჯაშმა კი რეგისტრაცია საერთოდ არ გაიარა. რომან კაკულია აცხადებს, რომ თუ გუნდიდან მისი წასვლის საკითხი დადგება, "პრობლემებს არავის შეუქმნის". მარიამ ჯაში კი მზადაა ახსნას თავის გადაწყვეტილება ქართული ოცნების გუნდში.