მადლობა, რომ ჩვენი თავისუფლებისთვის იბრძვით — მხარდასაჭერი აქციები ლაიფციგსა და მიუნხენში

თბილისში რუსთაველზე მიმდინარე პროტესტის მხარდასაჭერად აქციები ამჯერად მიუნხენში და ლაიფციგში გაიმართა. მიუნხენში აქციას ესწრებოდნენ ქართველი სტუდენტები ლუდვიგ მაქსიმილიანის, ბავარიის, ტექნიკური და სხვა უნივერსიტეტებიდან.

**მხარდასაჭერი აქცია მიუნხენში**

ფოტო: თათია თომაძე

"ჩვენ ვუერთდებით საქართველოში მიმდინარე საპროტესტო აქციებს. ვგმობთ ძალადობას და მადლობას ვუხდით თითოეულ ადამიანს, ახალგაზრდებს, სტუდენტებს და უბრალო მოქალაქეებს, რომლებიც იბრძვიან ჩვენი თავისუფლებისთვის", — განუცხადა On.ge-ს აქციის ორგანიზატორმა, თათია თომაძემ.

**მხარდამჭერი აქცია მიუნხენში**

ფოტო: თათია თომაძე

"რუსეთი ოკუპანტია, სანქციები გაუქმებულია, ევროპა გრცვენოდეს", — ამ მოწოდებებით გაიმართა აქცია გერმანიაში, ლაიფციგში რუსეთის საკონსულოს შენობასთან. აქციას ქართველ ემიგრანტებთან ერთად ადგილობრივებიც ესწრებოდნენ.

**მხარდასაჭერი აქცია ლაიფციგში**

ფოტო: ლევან ხაბელაშვილი

აქციის მონაწილეების განცხადებით, სოლიდარობას უცხადებენ საქართველოში მშვიდობიან პროტესტს და გმობენ რუსი დეპუტატის გავრილოვის ვიზიტს. მათი თქმით, გმობენ ოპოზიციის ნაწილის მიერ მოწყობილი პროვოკაციებსა და სახელმწიფოს არაადეკვატური პასუხს. კერძოდ, საშიშროების მშვიდობიანად აღკვეთისა და აქციის მშვიდობიანი მონაწილეებისთვის პასუხის გაცემის უუნარობას.