პატრიოტთა ალიანსის ერთ-ერთი ლიდერის, ადა მარშანიას თქმით, მიწის კანონთან დაკავშირებით სოფო კილაძის თანამოაზრეა. პარლამენტის პლენარულ სხდომაზე ადა მარშანიამ ქართული ოცნების დეპუტატებს, ოთარ დანელიასა და სოფო კილაძეს წარმატებული თანამშრომლობისთვის მადლობა გადაუხადა.

"პირველ რიგში, ბატონ ოთარ დანელიას უდიდესი მადლობა თანამშრომლობისთვის, მართლა განსაკუთრებული თანამშრომლობა იცის, ისევე როგორც ქალბატონმა სოფო კილაძემ. ჩვენი თანამშრომლობა არის ქვეყნისთვის სიკეთე. ეს ყოველთვის უნდა აღვნიშნოთ, თუ მართლა შედგა და არ არის ეს პირფერობა და მოფერება ერთმანეთის...თუ აქვე იქნება დათქმა, რომ მომავალში, როდესაც ჩვენ უკვე მივადგებით იმ საკითხს, რომელია ის გამონაკლისი, როცა ჩვენ ვასხვისებთ სასოფლო სამეურნეო მიწის ნაკვეთს საკუთრებაში, ჩვენ უნდა ვიცოდეთ ქვედა ზღვარი და ფასი. თუ ჩვენ ამაზე წინასწარ მოვილაპარაკებთ განვიხილავთ საკითხს, რომ მხარი დავუჭიროთ", — თქვა ადა მარშანიამ.

ადა მარშანიამ აღნიშნა, რომ პატრიოტთა ალიანსი უცხოელ მოქალაქეებზე სასოფლო სამეურნეო მიწის გასხვისებას მხარს არ უჭერს, თუმცა ქვეყნის მძიმე ეკონომიკური მდგომარეობის გამო გამონაკლისს დაუშვებენ. საქართველოს პარლამენტმა საქართველოში უცხოელებისთვის მიწის მიყიდვის შეზღუდვაზე კანონი მესამე მოსმენით, 25 ივნისს მიიღო.