ლეიბორისტული პარტიის ლიდერის, შალვა ნათელაშვილის თქმით, მის პარტიას საარჩევნო ბარიერის გადალახვის პრობლემა არასდროს ჰქონია. მისი განმარტებით, პარლამენტში ვერმოხვედირს მიზეზი მმართველი ელიტაა. ასე გამოეხმაურა ნათელაშვილი 2020 წლისთვის არჩევნების პროპორციული წესით, ბარიერის გარეშე ჩატარებას.

"მე უდიდესი მადლობა მინდა მოვახსენო ყველას, ვინც გვილოცავს ბარიერის გაუქმებას, იმ იმედით, რომ ახლა მაინც, თურმე, გარანტირებულად მოვხვდებით პარლამენტში. მეგობრებო მინდა გაგახსენოთ, რომ ჩვენთვის, ლეიბორისტული პარტიისათვის ბარიერის გადალახვასთან დაკავშირებული პრობლემები ობიექტურად არასოდეს არ არსებობდა. უბრალოდ, ყველა რეჟიმის მმართველი ელიტა და ოლიგარქია პირდაპირი გაგებით არ გვიშვებდა პარლამენტში", — დაწერა შალვა ნათელაშვილმა თავის ფეისბუქგვერდზე.