ჰოლანდიაში ოთხ პირს ბრალი წაუყენეს 2014 წელს აღმოსავლეთ უკრაინაში მალაიზიის ავიახაზების ჩამოგდებისა და 298 ადამიანის მკვლელობის გამო. მათ მიმართ საერთაშორისო პატიმრობის ორდერი გამოიცა. ამის შესახებ BBC იუწყება.

ჰოლანდიელი გამომძიებლების ცნობით, ოთხიდან სამი ბრალდებული რუსი ეროვნებისაა — იგორ გირკინი, სერგეი დუბინსკი და ოლეგ პულატოვი, ერთი კი უკრაინელი ლეონიდ ხარჩენკო. გამოძიების თანახმად, სწორედ ამ ოთხ პირს გადაჰქონდა რაკეტა ბუკი (Buk), რომელიც ბოინგ MH17-ის ჩამოსაგდებლად გაისროლეს.

საქმეზე სასამართლო განხილვა 2020 წლის 9 მარტს გაიმართება.

ბოინგ-777-ის ავიაკატასტროფა 2014 წელს რუსეთის მხარდაჭერილი სეპარატისტების კონტროლირებულ ტერიტორიაზე ჩამოაგდეს. კომპანია Malaysia Airlines თვითმფრინავი რეისით MH17 ამსტერდამიდან კუალა-ლამპურში მიფრინავდა. ბორტზე 298 ადამიანი იყო, ყველა მათგანი გარდაიცვალა. ბორტზე მყოფთაგან უმეტესობა ნიდერლანდების მოქალაქე იყო.

ასევე, გარდაიცვალნენ ავსტრალიის, მალაიზიის, დიდი ბრიტანეთის, ბელგიის, კანადის, ინდონეზიის, გერმანიის, ახალი ზელანდიისა და ფილიპინების მოქალაქეები.