სააპელაციო სასამართლომ უცვლელი დატოვა საქალაქო სასამართლოს მოსამართლის, თამარ მჭედლიშვილის გადაწყვეტილება, პოლიციელზე თავდასხმაში მსჯავრდებულ საბა ჯიქიასათვის 4 წლისა და 6 თვის ვადით თავისუფლების აღკვეთის შესახებ. გადაწყვეტილება მოსამართლე გიორგი კერატიშვილმა გამოაცხადა.

შეგახსენებთ, საბა ჯიქიას პროევროპულ აქციებზე გდდ-ს თანამშრომლისთვის, ბექა გოტიაშვილისთვის ფეხის დარტყმას ედავებოდნენ. ჯიქიას ბრალი სისხლის სამართლის კოდექსის 353-ე პრიმა მუხლით ჰქონდა წარდგენილი, რაც 4-დან 7 წლამდე პატიმრობას ითვალისწინებს. საქმეში "დაზარალებულმა" ბექა გოგიტაშვილმა სასამართლო პროცესზე განაცხადა, რომ მას ამ "დარტყმისგან" დაზიანება არ მიუღია. დაცვის მხარემ გოგიტაშვილს ამავე სასამართლო სხდომაზე ჰკითხა პროევროპული აქციის მონაწილეებს არბევდა თუ არა, რაზეც გოგიტაშვილმა უპასუხა, რომ "გააჩნია გააჩნია დარბევაში რას გულისხმობთ, ჩემი შეხედულებით, აქციის მონაწილეები არასდროს დამირბევია".