"ოპოზიციის ალიანსის" მიერ დღეს გამართულ ბრიფინგზე დიუშენის სინდრომის მქონე ბავშვების წამლის გარეშე დატოვებაზე, ბავშვთა სიღარიბის ხელშესახები ზრდასა და სისტემური პედოფილიის პრობლემაზე ისაუბრეს.

დიუშენის სინდრომის მქონე ბავშვების მშობლების პროტესტს შეეხო კოალიცია ცვლილებისთვის წევრი, ექიმი ანა ქავთარაძე, რომლემაც ახსნება, რომ სახელმწიფო ინსტიტუცია, რომლის უმთავრეს მოვალეობასაც ჯანმრთელობასა და უსაფრთხოებაზე ზრუნვა, მითუმეტეს, რომ ბავშვთა სიცოცხლეზე ზრუნვა უნდა წამოადგენდეს, მოშლილი და დეჰუმანიზებულია.

მისი თქმით ბავშვთა ჯანმრთელობა არის ფუნდამენტური უფლება, ეს არ არის პრივილეგია, რომელიც საქართველოში ყოველდღიურად ირღვევა, რისი ნათელი მაგალითიცაა ჯანდაცვის სერვისების ორგანიზებულობის, მედიკამენტებზე ხელმისაწვდომობისა და მძიმე დაავადებების მართვის საკითხი.

"უკანასკნელი დღეების მანძილზე დიუშენის კუნთოვანი დიაგნოზის ირგვლივ განვითარებულმა მოვლენებმა ცხადყო, თუ რაოდენ მოშლილი და დეჰუმანიზებულია სახელმწიფო ინსტიტუცია, რომლის უმთავრეს მოვალეობასაც ჯანმრთელობასა და უსაფრთხოებაზე ზრუნვა, მითუმეტეს, ბავშვთა სიცოცხლეზე ზრუნვა უნდა წამოადგენდეს.

ბავშვთა ჯანმრთელობა არის ფუნდამენტური უფლება, ეს არ არის პრივილეგია, რომელიც საქართველოში ყოველდღიურად ირღვევა, რისი ნათელი მაგალითიცაა ჯანდაცვის სერვისების ორგანიზებულობის, მედიკამენტებზე ხელმისაწვდომობისა და მძიმე დაავადებების მართვის საკითხი, რომლის განვითარების პირობაც ქართულმა ოცნებამ არაერთხელ დადო, მაგრამ დღეს ჩვენ ვხედავთ რომ არაერთი ბავშვი, ოჯახებთან ერთად სწორედ სიცოცხლის გადასარჩენად ემიგრირებს სხვა ქვეყნებში.

ამ მაგალითზე, ძალიან ნათლად ჩანს, რომ ქვეყნის დასავლეთისგან იზოლაცია, უდრის ჩვენი ბავშვებისთვის დასავლურ მედიცინაზე და მედიკამენტებზე წვდომის შეზღუდვას. რადგან არა იმისთვის, რომ არა მხოლოდ იშვიათი, არამედ ზოგადად სხვა დიაგნოზების მქონე ბავშვების ჯანმრთელობის პრობლემები სისტემურად გადაწყდეს, საჭიროა საერთაშორისო პარტნიორობა.

ამავდროულად, რთულია ვისაუბროთ მაღალტექნოლოგიურ მედიცინაზე, მაშინ როცა UNICEF-ის გასული წლის დასკვნის მიხედვით, საქართველოში ბავშვების, თითქმის, მეოთხედი ფეკალიებით დაბინძურებულ წყალს სვამს, მათ შორის, ბაღებსა და სკოლებში, რასაც ადასტურენს სურსათის ეროვნული სააგენტოს უკანასკნელი მონაცემებიც.

სწორედ იმ ბაღებსა და სკოლებში, რომლის რეაბილიტაციისა და მშენებლობის თანხასაც იპარავს მიტაცებული ხელისუფლება და მიმართავს საკუთარი ჯიბეებისკენ, მაგრამ რატომღაც მკურნალობისა და დაავადების მართვისთვის საჭირო თანხას ვერ პოულობს.", – განაცხადა ანა ქავთარაძემ ბრიფინგზე.

ამის შემდეგ, სისტემური პედოფილიის პრობლემებსა და ბავშვთა სიღარიბის ზრდაზე ფედერალისტების ლიდერმა თამარ ჩერგოლეიშვილმა და ევროპული საქართველოს ლიდერმა გიგი წერეთელმა ისაუბრეს.