აქტივისტებმა უკრაინის პრეზიდენტი, ვოლოდიმირ ზელენსკი კიევის ლგბტ+ პრაიდზე მიიწვიეს. ისინი პრეზიდენტს მოუწოდებენ, გახდეს უკრაინის სახელმწიფოს პირველი ხელმძღვანელი, რომელიც 23 ივნისს, თანასწორობის მარშს შეუერთდება.

"23 ივნისს ათასობით უკრაინელი ჩვენი ქვეყნის ევროპული მომავლის რწმენით თანასწორობის მარშში მიიღებს მონაწილეობას და თქვენ, ვოლოდიმირ, იქნებით უკრაინის პირველი პრეზიდენტი, რომელიც თანასწორობისა და ადამიანის უფლებების მხარდაჭერისთვის მარშში მიიღებს მონაწილეობას?" — ნათქვამია მიმართვაში.

უკრაინის დედაქალაქ კიევში 23 ივნისის ჩათვლით პრაიდის კვირეული იმართება. კვირეულის ფარგლებში სხვადასხვა კულტურული და სოციალური ღონისძიებაა დაგეგმილი. კვირეული მარშით დასრულდება.