შინაგან საქმეთა სამინისტრომ განცხადება გაავრცელა სადაც წერს, რომ 27 სექტემბერს მოძრაობა ქართული ძალის აქტივისტებმა გამართეს არასანქცირებული მსვლელობა თბილისში, რა დროსაც 11 პირი დააკავეს. მოძრაობამ მსვლელობა რუსთაველის მეტროდან მარჯანიშვილის მეტროს მიმართულებით მოაწყო.

შსს-ს ცნობით, მსვლელობის მონაწილეები გამოირჩეოდნენ განსაკუთრებული აგრესიით, შეურაცხყოფას აყენებდნენ მოქალაქეებს, ისროდნენ მაშხალებს სავაჭრო ობიექტებსა და კაფეებში, აზიანებდნენ წარწერებსა და ბანერებს.

სამართალდამცველებმა არასანქცირებული, აგრესიული მსვლელობა დაშალეს და ხულიგნობის ბრალდებით აღმაშენებლის გამზირზე 11 პირი დააკავეს.

გამოძიება საქართველოს სისხლის სამართლის კოდექსის 239-ე მუხლის მე-2 და მე-3 ნაწილებით მიმდინარეობს.

ნაციონალისტურმა დაჯგუფება ქართულმა ძალამ 27 სექტემბერს, სოხუმის დაცემის დღესთან დაკავშირებით თბილისში, აღმაშენებლის გამზირზე, თურქულ რესტორნებთან ფაშისტური შეძახილებით "დიდება ერს, სიკვდილი მტერს" ჩაიარა.