ნაციონალისტების აქცია ფაშისტური შეძახილებით, დაკავებებით დასრულდა

ნაციონალისტურმა დაჯგუფება ქართულმა ძალამ 27 სექტემბერს, სოხუმის დაცემის დღესთან დაკავშირებით თბილისში, აღმაშენებლის გამზირზე, თურქულ რესტორნებთან ფაშისტური შეძახილებით "დიდება ერს, სიკვდილი მტერს" ჩაიარა. რამდენიმე საათის წინ კი ორგანიზაციამ ანტითურქული, ქსენოფობიური განცხადება ფეისბუკის საკუთარი გვერდზეც გააკეთა:

"ქართველი ნაციონალისტების გაფრთხილება ბათუმის უკანონო თურქულ სასწავლებელს. საქართველო ქართველებისთვის და ქართველები საქართველოსთვის! უახლოეს მომავალში მთელი ქვეყნიდან ჩავალთ ბათუმში და სათანადო რეაქცია გვექნება ამ ფაქტთან დაკავშირებით."

მათი აქცია დაკავებებით დასრულდა. შსს-ს განცხადებით, აღმაშენებლის გამზირზე დღეს, სამართალდამცავებმა რამდენიმე პირი, ადმინისტრაციული სამართალდარღვევის მუხლით დააკავეს. უწყება დაკავების მიზეზებს ჯერჯერობით არ განმარტავს. თვითმხილველების განმარტებით, აღმაშენებლის გამზირზე იყო ჩხუბი.

გთავაზობთ ფოტორეპორტაჟს ქართული ძალის მსვლელობიდან, რომელიც ლიბერალიზმის სასწავლო ცენტრმა მოამზადა.