მაიკ ფლანაგანის ახალი ფილმის, Doctor Sleep-ის ტრეილერი გამოვიდა. ნამუშევარი სტივენ კინგის ცნობილი რომანის, The Shining-ის გაგრძელებაა და ამავე დროს, სტენლი კუბრიკის ამავე სახელწოდების ლეგენდარული კინოსურათის სიქველს წარმოადგენს.

Doctor Sleep უკვე ზრდასრული კინოგმირის, დენი ტორენსის ისტორიაზე ფოკუსირდება, რომელსაც სტენლი კუბრიკის ნათებიდან ვიცნობთ. ახალ ფილმში დენის როლს მსახიობი ევან მაკგრეგორი ასრულებს.

ტრეილერი ნათების ატმოსფეროს აშკარად გვახსენებს. იქნება თუ არა ფლანაგანის ნამუშევარი ისეთი შემაძრწუნებელი, როგორიც კუბრიკის 1980 წლის საკულტო ფილმი იყო, ამას მაყურებელი 2019 წლის 8 ნოემბრიდან გაიგებს.

Doctor Sleep ეკრანებზე სწორედ ამ დროს გამოვა.