თბილისის საქალაქო სასამართლომ გერის მიმართ ძალადობაში ბრალდებული კაცი დამნაშავედ ცნო. პროკურატურის ინფორმაციით, 2018 წლის 26 ნოემბერს მკვლელობის მცდელობისთვის ნასამართლევმა კაცმა საკუთარ ბინაში სცემა გერი, რასაც დაზარალებულის არასრულწლოვანი შვილი შეესწრო.

სამართალდამცავებმა ბრალდებული თბილისში დააკავეს. მას ბრალდება სისხლის სამართლის კოდექსის 1261 მუხლის მე-2 ნაწილის "ბ" ქვეპუნქტით (ოჯახის ერთი წევრის მიერ ოჯახის სხვა წევრის მიმართ ძალადობა, ჩადენილი არასრულწლოვანის თანდასწრებით) წარედგინა და აღკვეთის ღონისძიების სახით პატიმრობა შეეფარდა.

თბილისის საქალაქო სასამართლომ დამნაშავედ ცნო წარდგენილ ბრალდებაში და სასჯელის სახედ და ზომად 2 წლით თავისუფლების აღკვეთა განუსაზღვრა.