ქარელის რაიონის დაბა აგარაში კაცი მოკლეს ქალი კი დაჭრილია. შემთხვევა გუშინ, 9 ივნისის ღამეს მოხდა. ორივეს ცივი იარაღით აქვთ ჭრილობები მიყენებული. შინაგან საქმეთა სამინისტროში On.ge-ს უთხრეს, რომ სავარაუდო დამნაშავე იდენთიფიცირებულია და მიმდინარეობს საგამოძიებო მოქმედებები.

TV პირველის ცნობით, კაცი მეზობელმა მოკლა. მათივე ინფორმაციით, მოკლულს 16 ჭრილობა აქვს მიყენებული. ამავე ტელეკომპანიის ჟურნალისტი ადგილიდან იუწყება, რომ დამნაშავე მოგვიანებით სახლში მივიდა და ცოლი დაჭრა. ქალი საავადმყოფოშია გადაყვანილი.

გამოძიება სისხლის სამართლის კოდექსის 108-ე მუხლით მიმდინარეობს, რაც განზრახ მკვლელობას გულისხმობს, თუმცა უწყებაში განმარტავენ, რომ ეს წინასწარი მუხლია და საქმე, შესაძლოა, გადაკვალიფიცირდეს.