ევროპული საქართველოს მაჟორიტარობის კანდიდატმა შალვა შავგულიძემ შემაჯამებელი ბრიფინგი გამართა და თქვა, რომ შედეგს თვალს უსწორებს, თუმცა არ აღიარებს.

"თვალს ვუსწორებთ იმ ფაქტს, რომ ეს შედეგი დადგა და მოქმედებაში იქნება, მაგრამ ასაღიარებელი და მისალოცი არაფერია, რადგან მიუღებელი მეთოდებით ჩაატარა არჩევნები ხელისუფლებამ. ეს გამარჯვება არ არის", — განაცხადა შავგულიძემ.

მისი თქმით, სამწუხაროდ, ამჯერად ვერ შეძლეს მთაწმინდელი ამომრჩევლის უდიდესი ნაწილის დარწმუნება, რომ იმ ხელისუფლების შესაცვლელად, რომელსაც აღარ ენდობი, საკმარისი არ არის პასიური პროტესტი.

"მართალია ევროპული საქართველოს და თავისუფალი დემოკრატებისგან შემდგარი ჩვენი გუნდის ძალისხმევა, ასევე ის მხარდაჭერა, რომელსაც ჩვენ ვიღებდით ამ არჩევნების პერიოდში სხვა პოლიტიკური ძალების და საზოგადოების წარმომადგენლებისგან, დღეს არ გახდა საკმარისი წარმატების მისაღწევად, მაგრამ ჩვენ ამ სურათს შევცვლით და წარმატებას აუცილებლად მივაღწევთ ხვალ", — განაცხადა შავგულიძემ.

წინასწარი მონაცემებით მთაწმინდის საარჩევნო ოლქში ქართული ოცნების კანდიდატმა შალვა შავგულიძემ გაიმარჯვა.