საქართველოს პრემიერ მინისტრის, გიორგი კვირიკაშვილის განმარტებით, 180 დევნილ ოჯახს თბილისში, მცხეთასა და გორში საცხოვრებელი ფართები საკუთრებაში გადაეცემა. ამის შესახებ პრემიერმა დღეს გამართულ მთავრობის სხდომაზე განაცხადა.

კვირიკაშვილის თქმით, ამ დრომდე 11 645 დევნილ ოჯახს საცხოვრებელი ფართები უკვე გადაეცა საკუთრებაში და ეს პროცესი კვლავ გაგრძელდება:

"ამ მიმართულებით მნიშვნელოვანი მუშაობაა გაწეული დევნილთა და განსახლების სამინისტროსა და ეკონომიკის სამინისტროს მიერ და უკვე 11 645 ოჯახი არის დაკმაყოფილებული მუდმივი საცხოვრებელი ფართით. ჩვენ გავაგრძელებთ ძალიან აქტიურად ამ მიმართულებით მუშაობას".

მთავრობის სხდომა ახლაც მიმდინარეობს, მინისტრთა კაბინეტი სულ 35 საკითხის განხილვას აპირებს.