ხორავას ქუჩის საქმეზე სააპელაციო სასამართლო გადაწყვეტილება დღეს, 3 ივნისს გამოაცხადებს, რის შემდეგაც საგანგებო ბრიფინგია ჩანიშნული. ადგილზე უკვე იკრიბებიან მხარეები, მათ შორის ხორავას ქუჩაზე მოკლულის, დავით სარალიძის მამა, ზაზა სარალიძე და მეგობრები.

ზაზა სარალიძე სააპელაციო სასამართლოში შვილის, დათო სარალიძის ბოლო ზარის მაისურით მივიდა. მოკლული არასრულწლოვანის მეგობრები კი მაისურებით, რომელსაც "აღასრულე სამართალი" აწერია და სიმბოლურად 12 სისხლის ლაქა აქვს, როგორც დავით სარალიძის 12 ჭრილობა.

ფოტო: თამუნა გეგიძე / On.ge

ფოტო: თამუნა გეგიძე / On.ge

ფოტო: თამუნა გეგიძე / On.ge

ფოტო: თამუნა გეგიძე / On.ge

ფოტო: თამუნა გეგიძე / On.ge

პროკურატურა სააპელაციო განაჩენში პირველადი ბრალის დადასტურებას ელოდება, რაც განზრახ მკვლელობას გულისხმობს. ამ საქმეზე, მეორე ინსტანციაში დავობს, როგორც პროკურატურა, ისევე დაცვის მხარე.

თბილისში, ხორავას ქუჩაზე მოკლული ლევან დადუნაშვილის მკვლელობის საქმეზე თბილისის საქალაქო სასამართლომ გამამტყუნებელი განაჩენი გამოიტანა. რაც შეეხება მეორე მოკლულს, დავით სარალიძეს, მისი მკვლელობის საქმეზე მოსამართლემ ბრალი მკვლელობიდან მკვლელობის მცდელობაზე გადააკვალიფიცირა. შესაბამისად, ამ დროისათვის უცნობია, ვინ მოკლა არასრულწლოვანი დავით სარალიძე.