ცნობილი ფიზიკოსი სტივენ ჰოკინგი, თავის ახალ შორტ-ფილმში, "სტივენ ჰოკინგის საყვარელი ადგილები", კიდევ ერთხელ აღნიშნავს, რომ თუ უცხოპლანეტური ცივილიზაცია კონტაქტზე გამოვა, დედამიწელებმა პასუხი არ უნდა გავცეთ ან თუ გავცემთ ჯერ ბევრი უნდა ვიფიქროთ, რამდენად გვიღირს მათთან დაკავშირება.

"უცხოპლანეტელებთან შეხვედრა შეიძლება ისევე განვითარდეს, როგორც კოლუმბისა და ამერიკელი ინდიელების ისტორია, რაც არც ისე სასიამოვნო ამბავი იყო", ამბობს მეცნიერი.

ჰოკინგს ეს მოსაზრება პირველად არ გამოუთქვამს, 2010 წელს, London Times-თან ინტერვიუში, ფიზიკოსმა, ადამიანებისა და უცხოპლანეტელების შეხვედრა ცნობილი ამერიკული ფილმის დამოუკიდებლობის დღის სცენარით დახატა:

"შევხედოთ კაცობრიობას, ჩვენ ვართ მაგალითი იმისა, თუ რატომ არ უნდა გვინდოდეს გონიერ ცივილიზაციასთან შეხვედრა", განაცხადა ჰოკინგმა. მისი თქმით, უცხოპლანეტელებს, სავარაუდოდ, მასიური კოსმოსური ხომალდები და ტექნიკა ექნებათ, მათი მშობელი პლანეტის რესურსები მთლიანად ამოწურული იქნება და ისინი კოლონიზაციის რეჟიმში იქნებიან.