ტელეარხ HBO-ზე ფენტეზი ჟანრის ახალი ტელესერიალი გამოდის.

His Dark Materials ცნობილი ბრიტანელი ფანტასტი მწერლის, სერ ფილიპ პულმანის აღიარებული ტრილოგიაა, რომლის ადაპტაციასაც სულ მალე მაყურებელი ტელეშოუს სახით იხილავს.

წიგნისა და ტელესერიალის მთავარი გმირი, პატარა ლაირა, ოქსფორდში, იორდან კოლეჯის სწავლულებთან ცხოვრობს, მაგრამ მალე ყინულოვანი ჩრდილოეთისკენ სახიფათო გამგზავრება გატაცებული მეგობრის დასაბრუნებლად მოუწევს.

სერ ფილიპ პულმანის ამ ნაწარმოებმა არაერთი ჯილდო მიიღო და ბესტსელერი გახდა. ტრილოგია თარგმნილია მრავალ ენაზე და მათ შორის, მისი წაკითხვა ქართულადაც შეგვიძლია.

ტელეშოუს პირველ სეზონში 8 სერიაა და მასში ჯეიმს მაკევოი, რუტ უილსონი და ლინ მანუელ მირანდა თამაშობენ.

როგორც ცნობილია, His Dark Materials-ის ტელეეკრანებზე გამოჩენას 2019 წლის ბოლომდე უნდა ველოდოთ.