The New York Times-მა განაცხადა, რომ 2016 წლის ამერიკის საპრეზიდენტო არჩევნებში ის მხარს უჭერს დემოკრატიული პარტიის საპრეზიდენტო კანდიდატს ჰილარი კლინტონს.

"ჰილარი კლინტონი პრეზიდენტად" - ასე ჰქვია სტატიას, რომელიც გაზეთმა მოსაზრებების სექციაში 23 სექტემბერს გამოაქვეყნა.

გამომცემლობა იმედოვნებს, რომ დაარწმუნებს თავის მკითხველს, რომელიც თავს არიდებს დემოკრატიული პარტიის კანდიდატისთვის ხმის მიცემას.

"ჰილარი კლინტონი პრეზიდენტად" - ასე ჰქვია სტატიას, რომელიც The New York Times-მა მოსაზრებების სექციაში გამოაქვეყნა.

ფოტო: Chang W. Lee / The New York Times

ნიუ-იორკის ყოველდღიური გაზეთის სარედაქციო საბჭო განმარტავს, რომ ნებისმიერი ნორმალური საარჩევნო წლის დროს, ისინი ერთმანეთს შეადარებენ კანდიდატებს და მათთან დაკავშირებულ საკითხებს ერთმანეთის გვერდიგვერდ განიხილავენ, თუმცა ამ შემთხვევაში ეს უნაყოფო შრომა იქნებოდა.

"მსგავსი შედარებები არაფრისმომცემი შრომა იქნებოდა იმ სიტუაციაში, როდესაც ჩვენს რჩეულს ჰილარი კლინტონს აქვს სამუშაო გამოცდილება და პრაგმატული მოსაზრებანი, ხოლო დონალდ ტრამპი გამოხატავს არაფერს კონკრეტულს თავისი გეგმების შესახებ, იმის გარდა, რომ ამომრჩეველს ვარსკვლავებს სთავაზობს".

გამომცემლობა დასძენს, რომ ჰილარის მხარდაჭერა ასევე არაფრისმომცემი შრომა იქნებოდა მისი მხრიდან, თუ ეს მოწოდება მხოლოდ კლინტონის მხარდამჭერების მიმართ გზავნილად აღიქმებოდა:

ეს ჩვეულებრივი საარჩევნო წელი არ არის.

The New York Times

"ჩვენი მიზანია დაგარწმუნოთ სწორედ თქვენ, ვინც ჰილარი კლინტონის მხარდაჭერისგან თავს იკავებთ, რადგან არ გსურთ ხმა მისცეთ დემოკრატ კანდიდატს, ან კიდევ ერთ კლინტონს. ჰილარის საუკეთესო მხარე ის კი არაა, რომ ის დონალდ ტრამპი არ არის, არამედ ის, რომ მას შეუძლია გაუმკლავდეს იმ გამოწვევებს, რომელთა წინაშეც ამერიკა დგას".

გამომცემლობა მიიჩნევს, რომ ჰილარიმ მისი საჯარო მოღვაწეობის 40 წლის მანძილზე მოიპოვა ცოდნა და გამოცდილება, რომელიც დაეხმარება ტერორიზმის პრობლემასთან გამკლავებასა და გლობალიზაციასთან დაკავშირებულ ისეთი საკითხების მხარდაჭერაში, როგორიცაა ტოლერანტობა და დემოკრატიული ღირებულებები.

"ამ მხარდაჭერით კიდევ ერთხელ ვუსვამთ ხაზს მის ინტელექტს, გამოცდილებას, სიმტკიცეს და გამბედაობას, რომელსაც ჰილარი ავლენდა, როგორც პირველი და ერთადერთი ქალი არენაზე".

ნიუ-იორკ ტაიმსმა არ დაიშურა შეფასებები რესპუბლიკელი დონალდ ტრამპის მიმართაც და მას თანამედროვე ამერიკის ისტორიაში ერთ-ერთი მთავარი პარტიის მხრიდან წარმოდგენილი ყველაზე ცუდი კანდიდატი უწოდა.

ამ თაიმლანზე მოცემულია 1860 წლიდან ნიუ-იორკ ტაიმსის რედაქციის მიერ გამოქვეყნებული საპრეზიდენტო კანდიდატების მხარდამჭერი მოსაზრებები.