"დარწმუნებული ვარ, რომ მთაწმინდელი ამომრჩეველი სწორ არჩევანს გააკეთებს", — ამის შესახებ თავისუფალი დემოკრატებისა და ევროპული საქართველოს ბლოკის კანდიდატმა, შალვა შავგულიძემ განაცხადა.

"დარწმუნებული ვარ, რომ მთაწმინდელი ამომრჩეველი სწორ არჩევანს გააკეთებს სამართლიანობასა და უსამართლობას, კეთილდღეობასა და სიღარიბეს, დასავლეთ ცივილიზაციაში ინტეგრაციასა და რუსეთის კოლონიაში დაბრუნებას შორის", — თქვა შავგულიძემ.

მისივე თქმით, შავმა და ცილისმწამებლურმა კამპანიამ, რომელიც ბიძინა ივანიშვილმა დაიწყო, არ იმუშავა.

"[ამ კამპანიაში ივანიშვილმა] ჩაერთო ფრაქციის თავმჯდომარე და რაც ყველაზე აღმაშფთებელია, ამ კამპანიაში ჩართეს უვადოდ განწესებული მოსამართლეები", — აღნიშნა შავგულიძემ, რომელმაც აქვე დასძინა, რომ ქართული ოცნება ხელისუფლების შენარჩუნებას ყველაფრის ფასად ცდილობს.