უკრაინაში 17 მაისს მმართველი კოალიცია ევროპული უკრაინა დაიშალა. ფრაქცია სახალხო ფრონტი ტოვებს კოალიციას, რომლის ლიდერის ამჟამინდელი პრეზიდენტი პეტრო პოროშენკოა. თუ მომავალი ერთი თვის განმავლობაში ახალი კოალიცია არ ჩამოყალიბდება, პრეზიდენტს ვადამდელი საპარლამენტო არჩევნების დანიშვნა შეუძლია.

მმართველი კოალიციის დაშლა შესაძლოა ხელსაყრელი იყოს არჩეული პრეზიდენტისთვის, ვოლოდიმირ ზელენსკისთვის, რადგან მის პარტიას, ხალხის მსახურს არჩევნებში გამარჯვების შანსი აქვს. წინასაარჩევნო კამპანიის პერიოდშიც ზელენსკი ვადამდელ საპარლამენტო არჩევნებზე საუბრობდა.

კოალიცია ევროპული უკრაინა 2014 წელს შეიქმნა. მასში შედიოდა ხუთი ფრაქცია, მათ შორის იულია ტიმოშენკოს ბატკივშინაც, რომელმაც კოალიცია მოგვიანებით დატოვა.

მორიგი საპარლამენტო არჩევნები მიმდინარე წლის ოქტომბერში უნდა გაიმართოს. კანონის მიხედვით, პარლამენტის დაშლა არჩევნებამდე მინიმუმ ექვსი თვით ადრე არის შესაძლებელი. თუმცა მმართველი კოლიციის დაშლის გამო ზელენსკი ჯერჯერობით პარლამენტის დაშლას ვერ შეძლებს. ზელენსკის ინაუგურაცია 20 მაისს გაიმართება.