ყოველი სერიის გამოსვლის შემდეგ, მაყურებლები სამეფო კარის თამაშების ფინალის საკუთარ ვერსიებს განიხილავენ. ეს ყველგან ხდება — სამსახურში, ქუჩაში, კაფეში თუ სოციალურ ქსელებში.

ამერიკელმა მწერალმა სტივენ კინგმა სულ ცოტა ხნის წინ შეამკო შოუს შემქმნელები კომპლიმენტებით, ასე რომ, ალბათ არ გაგიკვირდებათ, რომ განხილვებში ისიც ისევეა ჩართული, როგორც GOT-ის ყველა დიდი გულშემატკივარი.

ფოტო: HBO

ასე რომ, თუ ცეცხლისა და ყინულის სიმღერის ადაპტაციის დასასრულზე ვინმეს მოსაზრება გაინტერესებთ, საშინელებათა ისტორიების ერთ-ერთი უდიდეს მთხრობელზე უკეთესს ვერავის მოუსმენთ. მოემზადეთ სტივენ კინგის ვერსიებისთვის, რომელიც შესაძლოა გამართლდეს და ბოლო სერიებიდან სავარაუდო სპოილერებად გადაიქცეს:

"ვვარაუდობ, უბრალოდ ვვარაუდობ, რომ ჯონი და დანი ორივენი სერსეისთან ერთად დაიღუპებიან. ასევე ვფიქრობ, რომ რკინის ტახტი შესაძლოა დიდი გულის მქონე პატარა კაცმა დაიკავოს".

"წლების განმავლობაში ვისმენ ადამიანების მოსაზრებას იმაზე, რომ ამბების კარგად დასრულება არ მეხერხება. რა თქმა უნდა, მათი ფიქრები სისულელე მგონია, მაგრამ ყველას აქვს აზრის გამოხატვის უფლება".

ის ფანების მოსაზრებების განხილვაშიც ჩაერთო.

"იქნებ სანსა სტარკი გამოჩნდეს და სერსეი მოკლას. მას ყველაზე მეტად სძულს ეს ქალი", - დაწერა ფანმა.

"კარგი იქნებოდა, მაგრამ სანსა ცივია", - უპასუხა კინგმა.

თუმცა, არ დაგავიწყდეთ, რომ მიუხედავად კინგის მჭევრმეტყველებისა, სამეფო კარის თამაშების დიდებულების ერთ-ერთი მიზეზი სწორედ იმაში მდგომარეობს, რომ მისი სიუჟეტის წინასწარმეტყველება შეუძლებელია. მხოლოდ ერთ რამეს უნდა ველოდოთ: ვინტერფელის ბრძოლაში ყველაფერი შეიძლება მოხდეს.ს