თურქეთის ცენტრალურმა საარჩევნო კომისიამ სტამბოლის მერის არჩევნების შედეგები გააუქმა. კომისიის გადაწყვეტილებით, ხელახალი არჩევნები 23 ივნისს ჩატარდება. ინფორმაციას ადგილობრივი გამოცემა Anadolu ავრცელებს.

სააგენტოს ცნობით, ქვეყნის მმართველმა პარტიამ 31 მარტს ჩატარებული ადგილობრივი არჩევნების გაუქმების მოთხოვნით კომისიას მიმართა. პარტიის საჩივარში აღნიშნული იყო, რომ 40 ათას ადამიანს ხმის მიცემის უფლება არ ჰქონდა.

კომისიის უმრავლესობამ, შვიდმა წევრმა სარჩელს მხარი დაუჭირა, ოთხი წინააღმდეგი იყო.

სტამბოლის მერის ადგილობრივ არჩევნებში ოპოზიციონერმა კანდიდატმა, ეკრემ იმამგლუმ გაიმარჯვა. ოპოზიციონერმა კანდიდატმა გაიმარჯვა თურქეთის დედაქალაქ ანკარაშიც. თურქეთის ადგილობრივი არჩევნები 31 მარტს გაიმართა. ერდოღანის მმართველმა პარტიამ სტამბოლში ხელახალი არჩევნების ჩატარებისთვის ცენტრალურ საარჩევნო კომისიას 7 აპრილს მიმართა.