ლეგენდარული მუსიკალური ფესტივალის 50 წლის იუბილეზე მისი სახელობის ღონისძიების გამართვა 2019 წლის დასაწყისში დაიგეგმა.

ვუდსტოკის ფესტივალი თავდაპირველ ადგილას, ბეთელში, ნიუ-იორკში 16-18 აგვისტოს უნდა გამართულიყო. თუმცა ორგანიზატორები ამბობენ, რომ ბრენდის სახელის ქვეშ გამართულმა ფესტივალმა შესაძლოა ვერ გაამართლოს.

ფესტივალის სპონსორმა Dentsu Aegis Network-მა ვუდსტოკის ჩაშლის შესახებ განცხადება გამოაქვეყნა:

"ასეთ ლეგენდარული ბრენდთან მუშაობა უამრავი კომპანიის ოცნებაა. მიუხედავად უდიდესი ინვესტიციის და ძალისხმევისა, ჩვენ ვფიქრობთ, რომ ფესტივალის განახლებით ისეთი ღირსეული ღონისძიება ვერ ჩატარდება, როგორიც ვუდსტოკის ბრენდს შეეფერება. განსაკუთრებით მაშინ, როდესაც ასევე საზრუნავია შემსრულებლების, დამსწრეების და პარტნიორების ჯანმრთელობა და უსაფრთხოება. ხანგრძლივი განხილვის შემდეგ, გადავწყვიტეთ, რომ ფესტივალი გაგვეუქმებინა. მიუხედავად სირთულისა, ვფიქრობთ, რომ ეს ფრთხილი და წინდახედული გადაწყვეტილებაა".

ფესტივალების ჰედლაინერებს შორის უნდა ყოფილიყვნენ მაილი საირუსი, ჯეი-ზი, The Killers და Imagine Dragons.