შინაგან საქმეთა სამინისტროს განცხადებით, სამართალდამცავებმა თბილისში თბილისის ცეცხლსასროლი იარაღის და საბრძოლო მასალის მართლსაწინაღმდეგო შეძენა-შენახვის ბრალდებით, 1973 წელს დაბადებული პირი დააკავეს.

უწყების მტკიცებით, ბრალდებულის საცხოვრებელი სახლის ჩხრეკისას, იერიხოს სისტემის პისტოლეტი, 1 მჭიდი და 10 საბრძოლო ვაზნა ამოიღეს.

დაკავებული ჩადენილ დანაშაულს აღიარებს.

გამოძიება სისხლის სამართლის კოდექსის 236-ე მუხლის მე-2 ნაწილით მიმდინარეობს, რაც ცეცხლსასროლი იარაღისა და საბრძოლო მასალის მართლსაწინაღმდეგო შეძენა-შენახვას გულისხმობს.