თბილისის მეტროს პირველი ხაზი 10 წუთის განმავლობაში შეფერხებით მუშაობდა. On.ge-ს სატრანსპორტო კომპანიაში განუცხადეს, რომ მიზეზი ტექნიკური იყო, რის გამოც საჭირო გახდა მატარებლის ჩიხში შეყვანა. მატარებელი მგზავრებისგან დაცალეს და დაახლოებით 10 წუთში მოძრაობა აღდგა.

თბილისის მეტროში ბოლო პერიოდში ხშირად ფერხდება გადაადგილება. ბოლო შემთხვევა მეტროსადგურ გოცირიძეზე მოხდა, რა დროსაც სადენებს ცეცხლი წაეკიდა. მოძრაობა თითქმის ერთი საათი იყო შეფერხებული.