ევროპული საქართველოს დეპუტატი ელენე ხოშტარია შინაგან საქმეთა მინისტრს გიორგი გახარიას სთავაზობს "დაასახელოს ნებისმიერი დრო და ადგილი, სადაც ყველა კითხვას გასცემს პასუხს და ყავას საკუთარი ხელით მოუდუღებს". ხოშტარიას ერთადერთი პირობაა, რომ შინაგან საქმეთა მინისტრმა მისი ხელით მოდუღებული ყავა დალიოს.

"დღეს შს მინისტრთან არის ძალიან სერიოზული კითხვები და მას მოუწევს ,ძალიან სერიოზული პასუხების გაცემა. თუ მას აშინებს კომიტეტის კედლები, თუ მას აშინებს კომიტეტში და პარლამენტში მოსვლა მას, მინდა შევთავაზო ჩემი ხელით მოვუდუღებ ყავას, მობრძანდეს და გასცეს ყველა ამ კითხვას პასუხი", — აღნიშნა ელენე ხოშტარიამ.

ევროპული საქართველო პანკისის ხეობის მოვლენებთან დაკავშირებით შინაგან საქმეთა მინისტრის პარლამენტში მისვლას მოითხოვეს. გიორგი გახარია ამ განცხადებას გამოეხმაურა და თქვა, რომ მაისის პირველ კვირას აქვს დაგეგმილი პარლამენტში მოსმენა, თუ ევროპული საქართველოს ლიდერებს დამატებით სურდათ მისი ნახვა შეეძლოთ ყავაზე დაეპატიჟებინათ.