პროკურატურის ინფორმაციით, ოჯახის წევრის მიმართ გენდერული დისკრიმინაციის მოტივით ჩადენილ ძალადობასა და თვითმკვლელობის მცდელობამდე მიყვანაში ბრალდებულს სასამართლომ 4 წლით თავისუფლების აღკვეთა მიუსაჯა. უწყების განცხადებით, ბრალდებული ფიზიკურ შეურაცხყოფას აყენებდა და სიცოცხლის მოსპობით ემუქრებოდა მასთან ერთად მცხოვრებ მეგობარ ქალს, რასაც დაზარალებულის არასრულწლოვანი შვილი შეესწრო.

მათი თქმით, სისტემური ფიზიკური შეურაცხყოფის შედეგად დაზარალებულმა თვითმკვლელობა სცადა. მათივე თქმით, ბრალდებული 2018 წლის 2 ივლისს თბილისში დააკავეს და ბრალი წარუდგინეს სისხლის სამართლის კოდექსის 111-126 მუხლის 12 ნაწილით; 1261 მუხლის მე-2 ნაწილის "ბ" ქვეპუნქტით, 111-115 პირველი ნაწილით და 111-151 პირველი ნაწილით (ოჯახის ერთი წევრის მიერ ოჯახის სხვა წევრის მიმართ სისტემური ძალადობა, ჩადენილი არასრულწლოვანის თანდასწრებით, სიცოცხლის მოსპობის მუქარა, თვითმკვლელობის ცდამდე მიყვანა).