19 აპრილს, 21:00 საათზე, KHIDI - თანამედროვე ხელოვნების სივრცე (III FLOOR) მასპინძლობს Sauvage Concept Store, Materium Concept Store Tbilisi, KUBORAUM და კლუბი KHIDI-ს ერთობლივ პროექტს: ბერლინში დაფუძნებული ინოვაციური ტექნოლოგიებით შექმნილი ხელნაკეთი სათვალეების ბრენდი KUBORAUM-ის გამოფენას, სადაც წარმოდგენილი იქნება სპეციალურად კლუბი KHIDI-სა და Sauvage Concept Store-სთვის შექმნილ ლიმიტირებული რაოდენობის სათვალეები.

KUBORAUM - “DREAMED IN BERLIN AND HANDMADE IN ITALY“ შეიქმნა 2012 წელს და მას შემდეგ ბრენდი მსოფლიოში ერთ-ერთ წამყვან პოზიციას იკავებს. KUBORAUM უნიკალურად იქმნება ინდივიდუალური და გამორჩეული სტილის მქონე ადამიანებისთვის.

KUBORAUM KHIDI - თანამედროვე ხელოვნების სივრცეში წარმოგიდგენს KUBORAUM EXPERIENCE-ს - მულტიმედია ინსტალაციას, ფოტოებს, პროექციას, ნიღბებს, ახალ კოლექციასა და ძველ ნამუშევრებს - ეს არის ერთგვარი კონცეპტუალური ექსკურსი ნიღბებსა და იდენტობებს შორის ურთიერთობის გასარკვევად.

იდენტობის კონცეფცია საექსპერიმენტო სფეროა, სადაც KUBORAUM როგორც პროექტი ხაზს უსვამს აშლილობას, რომელიც თანსდევს თითოელი ჩვენგანის მიერ თავის წარდგენასა და თვით რე-პრეზენტაციას. KUBORAUM იყენებს ნიღბებით თამაშს, როგორც ჰიპოთეტურ გამოსავალს შფოთვისგან თავის დასაღწევად.

გადანათებული ყუთი, როგორც საცეკვაო მოედანი წარმოადგენს იმ ემოციური არქიტექტურის რეპრეზენტაციას, რომელიც ვლინდება ჯგუფური ერთობისას, ლიკვიდური იდენტობა, რომელიც იქმნება უამრავი ინდივიდისა და იდენტობისგან. ჩვენი ლაით ბოქსის მეშვეობით, ჩვენი ლიკვიდური არქიტექტურით ჩვენ ვითავისებთ ჩვენს იდენტობას. საცეკვაო მოედნის დახმარებით, როგორც ნეო-მოდერნისტული მედიუმის მეშვეობით ვუღრმავდებით ფიქრებს ჩვენს თავებზე. ჩვენ ვხვდებით ერთმანეთს, ვცვლით ინფორმაციას, ვცეკვავთ და შევიცნობთ ერთმანეთისგან განსხვავებულ თავებს. საცეკვაო მოედანი ეს პოლიტიკური ერთობა, თანამშრომლობა, განსხვავებულობის გათავისუფლება და ამ განსხვავებულობებით კაიფია, მათი ანულირების გარეშე.

იდეა თითქოს ყველა ერთნაირი ვართ საშინელებაა, თითოეული ჩვენგანი მრავალფეროვანი და განსხვავებულია, ჩვენ უნდა ვისწავლოთ ამ განსხვავებულობით სიამოვნების მიღება, სხვების დახმარებით საკუთარი თავები უნდა შევიცნოთ. საცეკვაო მოედანი პოლიტიკური ერთობაა, რომელიც გვასწავლის ამ განსხვავებულობის სიყვარულს გაშმაგებული, რიტუალური ცეკვის მეშვეობით.

Experience-ს მუსიკალურ კურატორობას გაუწევს Dj Red.