შინაგან საქმეთა სამინისტროში აცხადებენ, რომ საქართველოში საუდის არაბეთიდან ჩამოსული დები თავშესაფრის მაძიებლის პროცედურებს გაივლიან. როგორც უწყებაში აცხადებენ, დღეს 18 აპრილს მიგრაციის დეპარტამენტისა და სამინისტროს თანამშრომლება დები გამოკითხეს.

რამდენიმე დღის წინ ტვიტერზე გავრცელდა ვიდეო, სადაც საუდელი დები, მაჰა და ვაფა ალ-სუბაიები ამბობდნენ, რომ მშობლიურ ქვეყანაში მძიმე პირობებს გამოიქცნენ და საქართველოში ჩამოვიდნენ. ისინი ამბობენ, რომ საუდის არაბეთში დაბრუნების შემთხვევაში სიკვდილი ელით.

"ჩვენ საუდელი დები ვართ, მე მაჰა მქვია, ჩემს დას ვაფა. ჩვენ საფრთხეში ვართ. გვჭირდება დაცვა და თქვენი მხარდაჭერა, რომ ჩვენი ხმა ყველამ გაიგოს. გვინდა ისეთი ქვეყანა, რომელიც მიგვიღებს და ჩვენს უფლებებს დაიცავს. გთხოვთ დაგვეხმაროთ! საუდის მთავრობამ პასპორტები გაგვიუქმა. ახლა ჩვენ საქართველოში ვართ".

გარდა ამისა ამბობენ, რომ საქართველოში უკვე ჩამოვიდნენ მისი მამა და ძმები, რომლებიც ეძებენ. შინაგან საქმეთა სამინისტროში ამბობენ, რომ ქალების ოჯახის წევრები საქართველოში არ იმყოფებიან.