კომპანია სლავური მასაჟის ფეისბუქგვერდი აღარ იძებნება. ამას წინ უძღოდა მედიაში ინფორმაციის გავრცელება იმის შესახებ, რომ კომპანიამ სექსისტური შინაარსის რეკლამა განათავსა ქალაქის ცენტრში, ფეისბუქგვერდზე კი აქვეყნებდა ინფორმაციას, რომლებიც სექსუალური მომსახურების შეთავაზების შთაბეჭდილებას ქმნიდა. მომხდარზე შინაგან საქმეთა სამინისტრომ ტრეფიკინგის მუხლით დაიწყო გამოძიება.

რამდენიმე დღის წინ თბილისის ცენტრში, ჭავჭავაძის გამზირის დასაწყისში სარეკლამო ბანერზე გამოჩნდა კომპანია სლავური მასაჟის რეკლამა "ჩათლახაბრათი".

On.ge-ს თბილისის მერიაში განუმარტეს, რომ ბილბორდებზე რეკლამების განთავსების ნებართვას თავად არ გასცემენ და ამ რეკლამის შესახებ ინფორმაცია არ ჰქონდათ. მოგვიანებით, მათ განგვიცხადეს, რომ ამ რეკლამაზე ინფორმაციის გავრცელების შემდეგ მუნიციპალური ინსპექცია ადგილზე მივიდა და გათიშული დახვდათ.

უფლებადამცველმა, ბაია პატარაიამ რეკლამის შინაარსში სექსიზმის გარდა დანაშაულის ნიშნებიც დაინახა. ის პროსტიტუციის რეკლამირების საფრთხეზე საუბროდა.

თავდაპირველად, On.ge-ს შინაგან საქმეთა სამინისტროში უთხრეს, რომ რეკლამის შესახებ ინფორმაცია არ ჰქონდათ. მოგვიანებით კი განაცხადეს, რომ ინფორმაციის გავრცელების შემდეგ დაიწყო გამოძიება სისხლის სამართლის კოდექსის 143¹ მუხლის პირველი ნაწილით, რაც ტრეფიკინგს გულისხმობს.

გაიგეთ მეტი: