შინაგან საქმეთა სამინისტროს ინფორმაციით, ნაციონალური მოძრაობის 3 წევრი წვრილმანი ხულიგნობისა და პოლიციელთა კანონიერი მოთხოვნისადმი დაუმორჩილებლობისთვის დააკავეს. ინციდენტი რამდენიმე საათის წინ ზუგდიდში, სოფელ ნარაზენთან მოხდა.

უწყების განცხადებით, სამეგრელო-ზემო სვანეთის პოლიციის თანამშრომლები სამსახურეობრივ შემოვლას ახორციელებდნენ, რა დროსაც ნაციონალური მოძრაობის წარმომადგენლებმა მათ ავტომობილით გადაადგილების საშუალება არ მისცეს და სიტყვიერი შეურაცხყოფა მიაყენეს. მათი თქმით, ერთ-ერთმა დაკავებულმა, პარტიის პრეს-სამსახურის ხელმძღვანელმა, გიორგი პატარაიამ ხელწერილის საფუძველზე პოლიციის განყოფილება უკვე დატოვა.

დაკავებულებს შორის იყო ზუგდიდის საკრებულოს დეპუტატი ანი წითლიძე და მანუჩარ ჩხეტია.

პოლიტიკოსების დაკავების ვიდეო რუსთავი 2-მა გაავრცელა.