ჯიმ ჯარმუშის ახალი ფილმი ბილ მიურეის, ტილდა სუინტონის, სელენა გომეზის, ადამ დრაივერის, სტივ ბუშემისა და ტომ ვაითსის მონაწილეობით, The Dead Don't Die, კანის კინოფესტივალს გახსნის.

ინფორმაციას ამის შესახებ Variety ავრცელებს. კანში ფილმის ჩვენების პარალელურად, მისი პრემიერა შედგება საფრანგეთის რამდენიმე ქალაქშიც, აშშ-ში კი ფილმის ნახვა 14 ივნისიდან შეეძლებათ.

ამ ეტაპზე ფილმის შესახებ ყველა დეტალი არ ხმაურდება, თუმცა მთავარია ვიცით, რომ ის ზომბი აპოკალიფსზე იქნება. შესაბამისად, თუ ჯარმუშს, კასტსა და სიუჟეტს გავითვალისწინებთ, თამამად შეგვიძლია ვთქვათ, რომ წინ დიდი სანახაობა გველის.

კიდევ ერთი ფილმი, რომელიც დღის სინათლეს კანში იხილავს ელტონ ჯონის შესახებ გადაღებული ფილმი Rocketman იქნება.

გარდა ამ ფილმისა, წინასწარვე შეგვიძლია იმის თქმა, რომ მაისში, კანის კინოფესტივალზე 2019 წლის კიდევ ორ მთავარ კინომოვლენას - პედრო ალმოდოვარის Dolor y Gloria-სა და კვენტინ ტარანტინოს Once Upon a Time in Hollywood-ს ვნახავთ.

კანის კინოფესტივალის ჟიურის წელს მექსიკელი რეჟისორი, ალეხანდრო გონსალეს ინიარიტუ უხელმძღვანელებს.

ამავე თემაზე: