15 ფილმი, რომლის პრემიერაც, შესაძლოა, წელს კანის კინოფესტივალზე შედგეს

კანის რიგით 72-ე კინოფესტივალამდე სულ უფრო ცოტა დრო რჩება. რამდენიმე კვირის წინ ცნობილი გახდა, რომ წელს ჟიურის პრეზიდენტი მექსიკელი რეჟისორი ალეხანდრო გონსალეს ინიარიტუ იქნება. რამდენიმე დღეში კი ჟიურის სრულ შემადგენლობასაც გავიგებთ.

ყველაზე მთავარი კითხვა, რომელიც კინომოყვარულებს ფესტივალთან დაკავშირებით აქვთ, ეს საკონკურსო ფილმებს ეხება.

როგორც ცნობილია, სრულ სიას კინოფესტივალის ორგანიზატორები მარტის ბოლოს გამოაცხადებენ, მანამდე კი მხოლოდ ინტუიციას შეგვიძლია ვენდოთ და ვივარაუდოთ, რომელი ფილმების პრემიერა შედგება კანში.

თუ 2019 წელს დაგეგმილ კინოპრემიერებს გადავხედავთ, აღმოვაჩენთ, რომ ამ სიაში არის ბევრი ისეთი ფილმი, რომლის პირველი ჩვენებაც დიდი ალბათობით სწორედ კანში შედგება. ამის ერთ-ერთი მაგალითი ლეგენდარული პედრო ალმოდოვარის ახალი ფილმია. კანში ჩასვლის დიდი შანსები აქვთ კვენტინ ტარანტინოსა და მარტინ სკორსეზესაც.

სკორსეზეს ფილმი The Irishmen ნეტფლიქსის გადაღებულია, ბევრი თვლის რომ გასულ წელს ატეხილი ამბის გამო, შესაძლოა ეს ფილმი ფესტივალმა დაბლოკოს. თუმცა, თუ ჭორებს დავუჯერებთ, კიდევ უფრო დიდი შანსია, რომ სწორედ ამ ფილმით გაიხსნას 2019 წლის კანის ფესტივალი.

დღეს წარმოგიდგენთ 15 ფილმს, რომელიც დიდი ალბათობით შესაძლოა სწორედ კანში შეკრებილმა მაყურებელმა ნახოს პირველმა.