პარლამენტის თავმჯდომარე ირაკლი კობახიძე სასესიო დარბაზში ხმაურს კიდევ ერთხელ გამოეხმაურა და აღნიშნა, რომ პრობლემა ამ წლის სექტემბერში გამოსწორდება.

"დაწყებული არის მუშაობა, თუმცა სამუშაოებს სჭირდება ორი თვე. სხდომების დასრულებამდე შეუძლებელი იქნება ამ სამუშაოების დაწყება. სამუშაოები დაიწყება ივლისში და დასრულდება აგვისტოს ბოლომდე, შესაბამისად სექტემბერში სესიას დავიწყებთ უკეთესი აკუსტიკით", — აღნიშნა პარლამენტის თავმჯდომარემ.

პარლამენტარები დიდი ხანია, რაც დარბაზში ხმაურს უჩივიან. განსაკუთრებით მძიმე მდგომარეობაში ბოლო რიგში მსხდომი დეპუტატები აღმოჩნდნენ. მათ არ ესმით, რას ლაპარაკობენ ტრიბუნასთან გასული კოლეგები, რა კანონპროექტს განიხილავენ და საერთოდ, რა ხდება პარლამენტში.

დღეს, 5 აპრილის სესიაზე ჩატარებულ კენჭისყრაზე კანონპროექტს, რომელიც განათლების სამინისტრომ კენჭისყრაზე დაჩქარებული წესით გამოიტანა, მხარი 54-მა დეპუტატმა დაუჭირა, კანონის მისაღებად 63 დეპუტატის მხარდაჭერა იყო საჭირო. მოგვიანებით, ქართული ოცნების დეპუტატმა განაცხადა, რომ ხმაურის გამო კანონპროექტის დასახელება ვერ გაიგო.

ამავე თემაზე: