თბილისის მერია ზოოპარკის ჰიპოპოტამის ქანდაკების ესკიზისთვის კონკურსს აცხადებს. აღნიშნული ქანდაკება გმირთა მოედანზე, ზოოპარკის მიმდებარე ტერიტორიაზე განთავსდება.

კონკურსის პირობებით, ჰიპოპოტამის ქანდაკების პროექტის საერთო ღირებულება 90 ათას ლარს არ უნდა აღემატებოდეს. კონკურსში მონაწილეობის უფლება აქვთ როგორც ქართველ, ისე უცხოელ ავტორებს.

2015 წელს 13 ივნისს ტრაგედიისას 19 ადამიანი დაიღუპა. წყალდიდობის გამო ზოოპარკში 300-მდე ცხოველი და 3 თანამშრომელი დაიღუპა. ცხოველების ნაწილი ქუჩაში მოხვდა, მათ შორის იყო ჰიპოპოტამი ბეგი, რომელიც ამ დღის სიმბოლოდ იქცა. მაშველები და მოხალისეები რამდენიმე საათის განმავლობაში ცდილობდნენ, რომ ბეგი უსაფრთხო ადგილას გადაეყვანათ.