საკონსტიტუციო სასამართლოს თავმჯდომარე გიორგი პაპუაშვილი მედიასთან საუბრისას, ვენეციის კომისიის ვიცე პრეზიდენტის მიერ გაკეთებულ კომენტარს გამოეხმაურა, მოსამართლეებზე ზეწოლის შესახებ:

"მე იმდენი ვისაუბრე ზეწოლებზე რომ ახლა უცხოელებმაც დაიწყეს. იმედია მათაც არ დაკითხავენ პროკურატურაში. თუ დაკითხავენ შეიძლება იმათაც მისცენ ჩვენებები თუ რასთან დაკავშირებით იყო ზეწოლები. ამ იდეამაც გაიჟღერა"

ჰერდის თორგეირ სდოტირიმ განაცხადა, რომ საკონსტიტუციო სასამართლო განიცდის ზეწოლას, როგორც სასამართლოს შიგნიდან, ასევე გარე ძალებისგან.

საკონსტიტუციო სასამართლოს თავმჯდომარემ 21 ივლისს გამართულ საგანგებო ბრიფინგზე განაცხადა, რომ სასამართლოს მოსამართლეებზე და მათ ახლობლებზე ზეწოლა, თვალთვალი და მუქარა მიმდინარეობს.

აღნიშნული ბრალდებების გამო, მთავარმა პროკურატურამ გამოძება 26 ივლისს დაიწყო.