ახლახან გავრცელებულ ვიზუალიზაციაში ჩანს, თუ როგორ პროგრესირებდა ურთიერთობები 1970-იან წლებში, დღევანდელ დღესთან შედარებით.

ანიმაცია სტატისტიკოს ნათან იაუმ შექმნა. მან ამისთვის სტენფორდის უნივერსიტეტის მიერ ჩატარებული გამოკითხვა გამოიყენა, რომელშიც მონაწილეობა 3 510-მა ადამიანმა მიიღო.

ანიმაციაში ჩანს, თუ რა დროს ატარებენ წყვილები ურთიერთობის თითოეულ ეტაპზე — პირველი შეხვედრიდან რომანის გაბმამდე, ერთად ცხოვრებასა და დაქროწინებამდე.

ანიმაციიდან ერთი რამ ცხადად ჩანს. ახლა ადამიანები ქორწინებამდე ბევრად უფრო მეტ ხანს იცდიან, ან სულაც არ ქორწინდებიან. ვიზუალიზაციაში ჩანს ერთეული, უფრო "ექსტრემალური" შემთხვეებიც.

"ამ ვიზუალიზაციაში ერთეული შემთხვევების დანახვა ადვილია, თქვენ დაინახავთ ადამიანებს, რომლებიც შეხვედრიდან რამდენიმე თვეში ქორწინდებიან. ასევე არიან წყვილები, რომლებიც შეხვედრიდან 50 წლის მერე დაქორწინდნენ. ზოგიერთი შემთხვევა რომანტიკული ფილმის სცენარს ჰგავს, - აცხადებს ის.

ერთი რამ, რაც 1970-იანებიდან დღემდე უცვლელია ის დროა, რომელსაც ადამიანები პირველი შეხვედრიდან რომანის დაწყებამდე ატარებენ.

სხვა განსხვავებები უფრო ცალსახაა. მაგალითად, ურთიერთობის დაწყებიდან ოთხი წლის შემდეგ 1970-იან წლებში წყვილების 74 პროცენტი უკვე დაქორწინებული იყო, ხოლო დაქორწინების გარეშე ერთად ცხოვრებას მხოლოდ ორი პროცენტი ირჩევდა. 2010 წლისთვის კი იმავე დროის გასვლის შემდეგ წყვილების მხოლოდ 44 პროცენტი ქორწინდებოდა, 24 პროცენტი კი უბრალოდ ერთად ცხოვრობდა.

ურთიერთობის დაწყებიდან 10 წელიწადში 1970-იან წლებში წყვილების 96 პროცენტი იყო დაქორწინებული, 2010 წლისთვის კი ეს მაჩვენებელი 76 პროცენტია. სხვა სიტყვებით რომ ვთქვათ, ანიმაციაში ბურთები ზედა ეტაპებზე უფრო ნელა ინაცვლებენ.

ამა ვიზუალიზაციით ასევე შეგიძლიათ გაიგოთ, თუ რამდენად მიჰყვება თქვენი ურთიერთობა ზოგად ტრენდებს.