სახელმწიფო უსაფრთხოების სამსახურის ინფორმაციით, ქუთაისის მერიის სამხედრო სამსახურის უფროსი სპეციალისტი სამსახურებრივი მდგომარეობის გამოყენებით თაღლითობის ფაქტზე დააკავეს.

მათი ცნობით, ბრალდებული სამსახურებრივი მდგომარეობის გამოყენებით ცდილობდა დაერწმუნებინა წვევამდელი, რომ მისი სამსახურებრივი უფლებამოვალეობების განხორციელებისას 400 ლარის სანაცვლოდ ჯარში გაწვევას 6 თვით გადაუვადებდა.

საქმეზე გამოძიება სისხლის სამართლის კოდექსის 19-180-ე მუხლის მე-2 ნაწილის "ბ" და მე-3 ნაწილის "ა" ქვეპუნქტებით მიმდინარეობს, რაც თაღლითობის მცდელობას გულისმობს. ამ მუხლით გათვალისწინებულია პატიმრობა ექვსიდან ცხრა წლამდე.

სუს-ის ინფორმაციით, თბილისის საქალაქო სასამართლომ მას აღკვეთი ღონისძიების სახით პატიმრობა შეუფარდა.