თბილისში შრომის უსაფრთხოების დაცვის მოთხოვნით აქცია იმართება. აქციის მონაწილეებმა გააპროტესტეს გუშინ, 31 მარტს ჭავჭავაძის #5-ში მშენებლობის დროს მომხდარი შემთხვევა, რა დროსაც ორი მუშა დაიღუპა.

მთავრობის ადმინისტრაციასთან დაწყებულმა აქციამ მსვლელობის ფორმა მიიღო. აქციის მონაწილეები პროტესტის ნიშნად ჭავჭავაძის 5 ნომერში მიდიან.

აქციის მონაწილეების თქმით, ქალაქის მერი თბილისს სიცოცხლით სავსე ქალაქს ეძახის, თუმცა რეალობა ცხადყოფს, რომ ქალაქი სიკვდილითაა სავსე.

"სიკვდილით სავსე ქალაქი" სკანდირებენ ისინი რუსთაველის გამზირზე, სადაც მსვლელობის გამო გზის სავალი ნაწილი ჩაიკეტა.

ფოტო: თამუნა გეგიძე / On.ge

ფოტო: თამუნა გეგიძე / On.ge

ფოტო: თამუნა გეგიძე / On.ge

ფოტო: თამუნა გეგიძე / On.ge

აქციის ორგანიზატორი სოლიდარობის ქსელია. აქციას შეუერთდნენ სხვადასხვა პროფკავშირები და სამოქალაქო აქტივისტები.