ილიას სახელმწიფო უნივერსიტეტის სამართლის სკოლა 31 მაისს სამართლის მიმართულებით დაინტერესებული აბიტურიენტებისთვის სასტიპენდიო კონკურსს ჩაატარებს.

კონკურსის მონაწილე წარმატებული აბიტურიენტები საინტერესო პრიზებით დაჯილდოვდებიან, ხოლო კონკურსის გამარჯვებულები მიიღებენ ილიაუნის სამართლის სკოლის 1000-ლარიან სასტიპენდიო ვაუჩერს.

კონკურსში მონაწილეობა შეუძლია ნებისმიერ აბიტურიენტს, რომელიც 2019 წელს აბარებს ერთიან ეროვნული გამოცდებს.

კონკურსში მონაწილეობისათვის კი საჭიროა წინასწარი რეგისტრაცია — შეავსეთ მარტივი სარეგისტრაციო ფორმა არაუგვიანეს 20 მაისისა და სამართლის სკოლა თავად დაგიკავშირდებათ.

31 მაისს, 13:00 საათიდან კონკურსი ჩატარდება ტესტირების ფორმატში, რომლის ხანგრძლივობაც 1,5 საათი იქნება. ტესტი მოიცავს 30 დახურულ (4 სავარაუდო პასუხით) და ერთ ღია შეკითხვას. ტესტის მიზანია, შეაფასოს აბიტურიენტების ცოდნა სამოქალაქო განათლებაში.

ტესტის სწორი პასუხები/შეფასების სქემა და პირველადი შედეგები აბიტურიენტების საიდენტიფიკაციო კოდის მითითებით გამოქვეყნდება არაუგვიანეს 10 ივნისისა.

სააპელაციო განაცხადი ელექტრონული ფორმით მიიღება შედეგების გამოქვეყნებიდან 3 სამუშაო დღის განმავლობაში ელფოსტის მისამართზე: [email protected].