სოციალური მუშაკები გაფიცვას აგრძელებენ და ხვალ, 29 მარტს მორიგ მხარდამჭერ აქციას აანონსებენ.

სოციალური მუშაკების მიერ გავრცელებულ განცხადებაში ნათქვამია, რომ გაფიცვის მე-4 დღეს პირველად შედგა შეხვედრა მინისტრ სერგეენკოსთან.

"სოციალური მუშაკების მოთხოვნების მხოლოდ ნაწილობრივი დაკმაყოფილება იგეგმება.სოციალური მუშაკები კი ითხოვენ სისტემურ ცვლილებებს!", — ნათქვამია განცხადებაში.

ჯანდაცვის მინისტრმა სოციალურ მუშაკებთან შეხვედრის შემდეგ ივარაუდა, რომ მათი გაფიცვა დასრულდებოდა.

25 მარტს ქვეყნის მასშტაბით სოციალური მომსახურების სააგენტოში დასაქმებული ყველა სოციალური მუშაკი გაიფიცა. ისინი სამუშაო პირობების გაუმჯობესებასა და ბენეფიციარებისათვის ეფექტიანი და მყისიერი მომსახურებების შექმნას ითხოვენ.