არ ვიცი, ცოდვამ უწიათ თუ რა მოხდა, მაგრამ ხუთი რუსი მეტეოროლოგი ორი კვირის განმავლობაში იზვესტიის ციკის კუნძულებზე არსებულ სადგურში იყვნენ გამოკეტილები და გარეთ ვერ გამოდიოდნენ.

საქმე ისაა, რომ რუს მეტეოროლოგებს ალყა თეთრმა დათვებმა შემოარტყეს და გარეთ არ უშვებდნენ. როგორც ჩანს, რუსებს რეპუტაცია წინ უსწრებთ და დათვებს ეშინიათ, სამხრეთელ მეზობელს მათი ტერიტორიებიც არ შემოეოკუპიროს.

მეტეოროლოგებს სასიგნალო შაშხანები გაუთავდათ, რომლებითაც დათვებს აშინებდნენ და მასპინძლებმა სწორედ ამ ფაქტით ისარგებლეს.

მეცნიერები ამჟამად თავისუფლები არიან. მათ დასახმარებლად როსნეფტის ხომალდი მივიდა, რომლის ეკიპაჟმაც დათვები ვერტმფრენის საშუალებით გადევნა. მაშველთა მისიამ სადგურზე სასიგნალო შაშხანების მარაგი და რამდენიმე ლეკვი დატოვა.

როგორც მეტეოროლოგები ამბობენ, ზოგი დათვი პირდაპირ ფანჯრის ქვეშ იძინებდა.

პოლარული დათვები წითელ წიგნში არიან შეყვანილები და რუსული კანონმდებლობით მათი დახოცვა უკანონოა. ცხოველის მოკვლა მხოლოდ თავდაცვის დროსაა დასაშვები.

კიდევ კარგი დათვები მძინარე იზვესტიის კუნძულებს არ დაესხნენ თავს ან იქვე სამშვიდობოების პოსტი არ იყო, თორემ კაცმა არ იცის რა მოხდებოდა.