"11 აპრილს ბიძინა ივანიშვილს მივადგეთ სასახლეში და სახალხო შინაპატიმრობაში ავიყვანოთ", — ასე მიმართა ლეიბორისტული პარტიის ლიდერმა, შალვა ნათელაშვილმა პარლამენტთან მიმდინარე აქციის მონაწილეებს. აქციაზე ტაქსის მძღოლები არიან შეკრებილები და რეგულაციებს აპროტესტებენ.

"ბრძოლა არ გაჩერდება. ჩვენ დავიცავთ ტაქსისტთა უფლებებს, ჩვენ დავიცავთ ერის უფლებებს, ჩვენ დავიცავთ პედაგობების, პენსიონერების უფლებებს, ჩვენ დავიცავთ ქართული საზოგადოების არსებობის უფლებას და ვაცხადებთ, შემდგომი აქცია უკვე სოლოლაკში ჩატარდება", — თქვა ნათელაშვილმა.

აქცია-მსვლელობა ვაგზლის მოედნიდან დაიწყო და რუსთაველის გამზირზე გადაინაცვლა, სადაც მათ გზის სავალი ნაწილი გადაკეთეს. რამდენიმე წუთის წინ პოლიციასა და აქციის მონაწილეებს სიტყვიერი დაპირისპირება და შეხლა-შემოხლაც მოხდა. ერთი პირი აქციიდან გაიყვანეს და პოლიციის მანქანაში ჩასვეს.

ტაქსისტები იმ რეგულაციებს აპროტესტებენ, რომელიც მანქანების თეთრად გადაღებვასა და წელიწადში ორჯერ ტექდათვალიერების გავლას გულისხმობს.