10 საინტერესო ფაქტი ხილ-ბოსტნეულის შესახებ, რომელიც აქამდე არ იცოდით

ჩვენი ორგანიზმის სრულფასოვანი ფუნქციონირებისთვის აუცილებელი კომპონენტები ძირითადად ხილსა და ბოსტნეულშია, სწორედ ამიტომ ხშირად მივირთმევთ მათ.

მიუხედავად იმისა, რომ ბევრი რამ იცით ვაშლის, სტაფილოს, საზამთროსა და სხვა ხილ-ბოსტნეულის შესახებ, არსებობს უამრავი საინტერესო ფაქტი მათ შესახებ, რაც დიდი შანსია, რომ აქამდე სულაც არ იცოდით.

და აი, ისინიც:

1. მარილის დამატებით, ანანასი გაცილებით ტკბილი ხდება

ეს ხერხი ნამდვილად ამართლებს. მარილი ანანასის სიმწარეს ანეიტრალებს. თუმცა, ალბათ აქამდეც გინახავთ, თუ როგორ აყრიან დასატკბობად ნესვს მარილს.

2. სოკოებს გენეტიკურად ადამიანებთან უფრო მეტი საერთო აქვთ, ვიდრე ბოსტნეულთან

აღსანიშნავია, რომ ასევე ადამიანის დნმ ბანანისას დაახლოებით 60%-ით ემთხვევა.

3. საზამთროს შეჭმა მთლიანად შეგიძლიათ

განსაკუთრებულად სასარგებლოა საზამთროს ქერქი.

4. არსებობს ხე, რომელიც რამდენიმე სახეობის ხილს ისხამს

ფოტო: Fruit Salad Trees / Via youtube.com

შესაბამისად, შეგიძლიათ იყიდოთ ერთი ხე და ეზოში ლიმონის, ფორთოხლისა და ლაიმის მოსავალიც გექნებათ.

5. მსოფლიოში ყველაზე მბზინავი კენკრა აფრიკაში იზრდება

ფოტო: Juliano Costa / Via en.wikipedia.org

მეცნიერების აზრით კენკრა თავისი კაშკაშა და ლამაზი ფერით ჩიტებს იზიდავს, გადამუშავებული თესლით კი მცენარე სრულიად სხვა ტერიტორიაზეც ახერხებს გამრავლებას.

6. სტაფილო სულაც არ არის სასარგებლო კურდღლებისთვის

მეტიც, სტაფილომ შეიძლება კურდღელს მომნელებელი სისტემა, ან კბილები დაუზიანოს.

7. ატამი და ვაშლატამა ერთი და იგივე ხილია

სხვაობა მხოლოდ ის არის, რომ ატამს ბუსუსები აქვს.

8. ალიასკაზე გიგანტური ზომის ხილ-ბოსტნეული იზრდება

ლოგიკურია, ხშირად დღის განმავლობაში იქ ხომ 20 საათი არ ღამდება.

9. კარტოფილის მცენარე ზოგჯერ შხამიან ხილსაც ისხამს

ფოტო: MidgleyDJ / Via en.wikipedia.org, Back to Reality / Via youtube.com

ეს შხამიანი ხილი ძალიან ჰგავს პომიდორს, რადგან კარტოფილი და პომიდორი ერთი ოჯახის, ძაღლყურძენასებრნის წარმომადგენლები არიან.

10. დღეში თუ თითო სახეობის ვაშლს შეჭამთ, ყველა სახეობის გასასინჯად 20 წელი დაგჭირდებათ

მსოფლიოში ხომ ვაშლის 7,500 სახეობა არსებობს.

ბოლო ამბები:

გირჩევთ