დღეიდან საქართველოს საჯარო სკოლებში სწავლა დაიწყო, ქვეყნის მასშტაბით პირველ კლასში 60 644 ბავშვი შევიდა.

განათლებისა და მეცნიერების მინისტრი, ალექსანდრე ჯეჯელავა კომაროვის სკოლაში იმყოფებოდა, სადაც მან ბავშვებს ახალი სასწავლო წლის დაწყება მიულოცა:

"ჩვენი მოსწავლეების რაოდენობა იზრდება, რაც ძალიან სასიხარულოა. ასევე მზადყოფნის ხარისხი, იგივე სახელმძღვანელოების კუთხით, კომპიუტერების კუთხით, შენობების კუთხით ძალიან მაღალია. ბევრი სიახლე გვაქვს: იგეგმება ელექტრონული ჟურნალები, რომლებიც გააუმჯობესებს, გაადვილებს საქმეს მასწავლებლებისთვის".

სარემონტო სამუშაოების გახანგრძლივების გამო, სასწავლო წელი დაგვიანებით 20 სკოლაში დაიწყება.